Poster ng pelikulang Guni-guni ni Lovi Poe, ginaya sa isang Thai Horror movie?

Ngayong Miyerkules (August 22) na ang playdate ng Guni-guni na pinagbibidahan ng tinaguriang bagong "Princess of Horror" Movies na si Lovi Poe o Lourdes Virginia Moran Poe sa tunay na buhay . Kabilang sa mga hit horror fims na ginawa ni Lovi ang Shake, Rattle & Roll 9 (2009), White House at Aswang (2011), Tiktik:The Aswang Chronicles (October 2012). Gamay na ng seksi aktres ang paggawa ng ganitong pelikula at effective naman ang kanyang pagganap. Sa mga hindi nakakaalam, kay Jennelyn Mercado unang inalok ni Mother Lily Monteverde ng Regal films ang role ni Lovi ngunit naging mailap ang schedule ng una kaya ito na mismo ang nag back-out sa dapat sanay pagbabalik pelikula ni Jen. Hindi naman magsisisi ang fans ng horror movies dahil kahit second choice lang si Lovi, naging maganda ang kinalabasan ng movie base sa napapanood nating trailer. Salamat sa batang direktor na si Tara Illenberger!

Pero ano itong napansin natin? Hawig na hawig ang movie posters ng Guni-guni sa Thai horror film na Alone na ipinalabas noong 2007. Di kaya hango sa Thai movie ang Guni-guni? Bilang hilig ko ring manood ng asian movies lalo na gawang Thailand, napanood ko na ang Alone at eto lang ang masasabi ko. Magkaiba ang dalawang nabanggit na movie base na rin sa trailer ng pelikula ng Regal. Kaya upang mahusgahan kung totoo nga, panoorin natin ang Guni-guni sa Miyerkules, August 22.

Movie posters ng Guni-guni at Thai movie na Alone:

              
              

Bea Alonzo in doing The Mistress: "Mahirap siya, feeling ko aatakehin ako sa puso kada eksena".

Handog ng Star Cinema ang pagbabalik tambalan na nagsimula noong 2002 via teleseryeng Kay Tagal Kang Hinintay. Bida sa The Mistress na showing on September 12 in more than 100 theatres sina John Lloyd Cruz at Bea Alonzo. Ito na ang pinakamatapang na pagganap ni Bea bilang aktres .“Seriously, kinakabahan talaga ako hanggang ngayon. Nagdalawang isip ako noong una kung kaya ko siyang gawin kasi nasanay na ako sa comfort zone ko na ano ako yung regular na mabait na character. By far, ito pinakamatapang na movie ko dahil marami akong ginawa dito na never ko pa nagawa sa teleserye man o pelikula. Mahirap siya, feeling ko aatakehin ako sa puso kada eksena,” paliwanag ni Bea.

Kung inyong matatandaan, si Derek Ramsay ang dapat sana'y kasama ni Bea sa pagbabalik pelikula niya ngunit gawa nga na lumipat ang una sa ibang istasyon ng tv, pinalitan si Derek ni JLC. Kung ako ang tatanungin, mas exciting ang tambalang Bea at John lloyd na tiyak susuportahan pa rin ng kanilang mga tagahanga. Mas malaki di hamak ang fan base ng dalawa kaysa sa nananamlay na career ni Derek.

Ang The Mistress ay selebrasyon ng 10th year bilang Loveteam nina John Lloyd cruz at Bea Alonzo. Kasama sa pelikula ang mga batikang aktor na sina Ronaldo Valdez at nagbabalik na si Hilda Koronel sa direksyon ng award-winning direktor Olivia Lamasan.